دلع بناتـ



 
الرئيسيةالرئيسية  التسجيلالتسجيل  دخولدخول  

شاطر | 
 

 ; دايـــم الســـيف ....

اذهب الى الأسفل 
كاتب الموضوعرسالة
أميرة بكلمتي
عضو نشيط
عضو نشيط


عدد الرسائل : 24
  :
تاريخ التسجيل : 03/07/2008

مُساهمةموضوع: ; دايـــم الســـيف ....   الخميس يوليو 24, 2008 7:42 pm

~❀ دايـــم الســـيف ❀~


أمير الشعر العربي
سمو الأمير الشاعر / خالد الفيصل

الشاعر الذي داعبت أسماعنا روعة حرفه .. وناجى خيالنا سحر كلمه ..
وتغنى بقصائده كبار المطربين .. فشجت أرواحنا طرباً ..

❀❀❀❀❀


~الأمير الشاعر/ خالد الفيصل في سطور~

بدأ محاولاته الشعرية في سن الرابعة عشرة ..
وكان كثيراً ما يفخر بتأثره بأخيه الأمير الشاعر/ عبدالله الفيصل
أحد رواد الشعر النبطي والفصيح في العالم العربي ..
بل وكان يرجع الفضل إليه دائماً بعد الله في إبداعه وفنه ..
كما كان يصفه بالمدرسه في الأدب والفنون .. حتى قال فيه :

يا سيدي يا أخوي يا أستاذ عمري .... علمتني وزن الحكي قبل الأشعار

❀❀❀❀❀


من أكثر ما لفت نظري وأنا أقرأ عن حياة الأديب الفنان خالد الفيصل
رده حين سُئِل عن سبب اختياره للقب "دايم السيف" بالذات فكان جوابه أن
(خالد مرادف لـ دايم .. والفيصل مرادف لـ السيف)
لذا فهو يجد نفسه ميالاً لهذا اللقب

❀❀❀❀❀


ومما قال سموه في زوجته ..
لك يا عنـود الصيد حرفي ومعناي .... عمري قصيدة حب قدمتها لك
معك أشرقت شمس المحبه بدنياي .... صورة قصيدي لمحةٍ من خيالك

❀❀❀❀❀


لن أكتب عنه المزيد بل سأدع كلماته تحكي لكم عنه
لأني أحسبها أفصح مني

وبإذن الله سيكون الموضوع متجدد .. فترقبوا الجديد بين حين وآخر





أنا غنيت

أنا غنيت من قلبي لقلبي=أغني له على نغمة ونينه
أغني له عسى من ون قلبه= مثل قلبي جعل ربي يعينه
ألا يا ويل من مثلي تولع= ولا أدرك ما تمنى من ضنينه
صواديف الليالي عرضت له= وحالت بين محبوبه وبينه
لقى كاس المحبه ماء صافي= بغى يروي ضما روحٍ حزينه
فلكن المشقى يوم شاله= تكسر كاس حبه في يمينه
وذا طبع الهوى بأوله حالي= ولكن تالي المشروب طينه

doPoem(0)





استكثرك

استكـثرك وقتي عـلَيْ وغـدا بـك = عـادة زماني كـل ما طــاب هـــوّنْ
لـيــت الــذي ودّاك يا زيـن جـابـك=تـشـوف عقـبك كـيف الايّـام سوّنْ
شرق مشيت وغرب وقتي مشىَ بك=والقـلب ما له لايــمٍ فيـك لـوْ وَنْ
عـقـب الهـنا بـك ذاق لوعة عـذابك=تـلـونّـت دنــــياه ولا تـلـــوّنْ
طويتنـي طـيّ الـورق في كـتـابـك=حـتّى معـالـيـق الحـشـا لـك تـطــوّنْ
إشتـقـت لأيّـام الهـوَى في جـنابـك=يــوم الشّمـوع بلـيل الاحـباب ضـوّنْ
واشتـقت أقـول لهاتفـك مرحبا بـك=واشتـقـت لغـيـوم الصحاري تـكـوّنْ
عـوّد تـرَى داعي الهـوَى عند بابك=واروي القلوب الّلي بعـد ما تـروّنْ
غنّـيـت لـك عـمري ولا جا جوابـك=واسمي مـع مجـنون لـيـلَى تــدوّنْ

doPoem(0)






الجرحين


أنا فيني من الأيام جرحينٍ على الخفاق=من الأقصين جرح وجرحٍ من ربعي الأدنيني
أقوم بجرح لكن ثاني الجرحين ساق وعاق=مشى سمه مع عرقي ويبست منه كفّيني
يولّعني وَهج ناره وفي فكري كما البرّاق=عواصيفٍ تودّعني وعاصوفٍ يلاقيني
مثل ريشه نقلها ريح مع شوك وفي مضياق=يمزع شوكها جنبي وبالرجلين يدميني
ألَمها جضّ به قلبي ودخّن بالصّدر حرّاق=تفجّر كنّه البركان في سمعي وفي عيني
يعاقبني زماني يوم صدري بالعنا ما ضاق=أشيل الحمل ما تعبت من الوعرات رجليني
أعرف أنه قدر عمري وأعرف أن الزمن سرّاق=وهذا ما كتبه الله وأنا المكتوب يرضيني

doPoem(0)






ياسامرين الليل


ياسامرين الليل في بحر الأشواق=يا ليتني معكم يلوح شراعي
بين القمر والموج لمعه وبرّاق=والنسمه العذبه للغالين داعي
القرب يالغالين للروح ترياق=والبعد ذبّاح القلوب الوجاعي
لا واعنا اللي باطرف الليل مشتاق=خلّوه ربعه مـع سلام الوداعي
يسهر مع الذكرى على صفر الأوراق=في صفحةٍ تشرب دموع اليراعي
بين الرجا والياس وقّف على ساق=والدرب بقلوب المواليف ساعي

doPoem(0)






الستين


مرت الستين والشايب طفل=توي أدرس في كتاتيب الحياه
مرت الستين مازال الجهل=كل ما جيت استره يكشف غطاه
مرت الستين فكري ما اشتعل=كلما اشعل جذوته وقتي طفاه
مرت الستين دربي ما كمل=واقف في راسه أتأمل مداه
ألتفت والوقت يدفعني عجل=ما انتهيت من أمس وباكر ذا سناه
كل يوم أقول في باكر أمل=وإن حضر باكر رجيت اللي وراه
أرفع الهقوات لو حظي نزل=واقنص القاع الذي ما احد وطاه
المراجل ما بطَلبتها خجل=خجل اللي يقدر الطيب وعصاه
السنين أشعار والشاعر مثـل=يفهمه من شاف بالعقل وقراه
أكتب الأيام في شعري غزل=كل بيت عاش في عمري حياه

doPoem(0)




من يقول الزين


من يقول الزين ما يكمل حلاه = كل شيء في حبيبي اكتمل
الله الـلي كمله واللـه عطاه = مابقي للزين في خلي محل
العيون احلى من عيون المهاه = شافها قلبي وصفق واحتفل
نظرته من فتنته شعله حياه = والجفون من الحيا فيها كسل
ساهم رمشه على الخد وسناه = كن لمعه وجنته ورد وطل
والشفايا كنها جمر الغضاه = تحرس الريق المحلى بالعسل
والشعر ليل تقل حمره مساه = اجعد حول على صدره همل
مايج من فوق متنه ما طواه = لون شلالٍ مع المغرب نزل
انطلق جيده يمارى في بهاه = فـوق مياس تعزل واعتدل
بالرشاقه فيه من ظبى الفلاه = لى مشى كنه على الريح انتقل
ريحته من كل زهر منتقاه = والزياده للخزامى والنفل
صافي مثل المطر فوق الصفاه = باسم مثل البشاير بالامل
جامع من كل زين منتهاه = مستحيل الوصف في خلى سهل
كايد ماهو يلين لمن بغاه = يرتفع عن كل سقطات الزلل

doPoem(0)





يا عيونه


يا عيـونه بس يكفيني عــذاب=بالذي ودك تقولينه دريت
كل ما قلتيه عندي له جــواب=اقري عيوني مثل ماني قريت
ياذهاب العمر عمري في ذهاب=القوي الله فلكن ما قويت
مابقى لي قلب منك القلب ذاب=بيّن حالي ولوّني ماحكيت
كل ما قلت انفتح لي فيه بـاب=دار حظي وانقلب عما نويت
دوك شيبي لاح في حل الشباب=كلٍ وحظه وأنا بحظي شقيت

doPoem(0)





تعبت عيوني


تعبت عيوني بس أدور واراعي=وانشد عن الزينات واشتاق واشوف
لا شك ما قد تاه فكري وضاعِ=ألين شفتك وأصبح القلب مشغوف
اللي دعاني لك من الحب داعي=داعي غرام للمحبين معروف
ملكتني يا بوعيون وساعِ=أسير حبك بين أياديك مكتوف
ليتك تخفف من عظيم التياعي=وتبتسم لي شفتها منك معروف
متى يصير بنور عيني اجتماعي=وألقى التّعب من سيد الأحباب مخلوف

doPoem(0)





الله أكبر


الله أكبر كيف يجرحن العيون=كيف ما يبرى صويب العين أبد
أحسب أن الرمش لى سَلهم حنون=أثر رمش العين ما ياوي لأحد
يوم روّح لي نظر عينه بهون=فزّ له قلبي وصفّق وارتعد
لفّني مثل السحايب والمزون=في عيوني برق وبقلبي رعد
نقّض جروحي وجدّد بي طعون=قلت يكفي قالت عيونه بعد
وانعطف هاك الشعر فوق المتون=وانثنى عوده وقفّى وابتعد
أشغلتني نظرة العين الفتون=حيّرتني بالتوعّد والوعد
هي تمون العين ولّا ماتمـون=لى خذت قلبي وقفّـت ياسعد

doPoem(0)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نغـــــم
مراقبة دلع بنوتات
مراقبة دلع بنوتات
avatar

انثى عدد الرسائل : 144
العمر : 29
البلد : k.s.a
العمل/الترفيه : طالبهـ
المزاج : تمام التمام
مهنتي :
مزاجي :
  :
تاريخ التسجيل : 04/07/2008

مُساهمةموضوع: رد: ; دايـــم الســـيف ....   الأربعاء أغسطس 06, 2008 7:45 pm

يعطيكـ الف عافيهـ خيتووو ..!!

ع الموضوووع .. القميل ..//

ماننحرمش من جديدكـ ..

كل التووفيق لكـ ..××

تقبلي مروووري ..

تحياتي :: نغـــــم ::

Smile

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
; دايـــم الســـيف ....
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
دلع بناتـ :: الفئة الأولى :: ركن بناتـ دلع الأدبيـهـ :: منتدى عذب الكلام-
انتقل الى: